"http://www.jalleda.com/images/jalleda3d48x32.png">

23 నవం, 2010

అందుకే ఇంకా ఎంతో కాలం బతకాలి. .. నేను

గుండె ఘల్లుమంది, ఒక నిముషమో, సెకాన్లో, గుండె కొట్టుకోవడం ఆగి పోయిందేమో అని పించింది. ఇవాళ పొద్దున్నే ఫేసు బుక్ పేజ్ లో ఎవరో పెట్టారు, మనం తప్పక ఈ జీవిత కాలం లో చదవ వలసిన వంద పుస్తకాల (ఇంగ్లీష్ ) లిస్టు.. లెక్క చూసుకుంటే, చాలా తక్కువే ఉన్నాయి. నేను చదివినవి. 
కొన్ని ఎప్పుడో, నేను చిన్నప్పుడు చదివినవి. పేర్లు చూస్తే చదివి  నట్టే ఉన్నాయి కాని, ఏమి గుర్తు రావటం లేదు, ఈ మధ్య చదివినవి ఏవో కొన్ని గుర్తు ఉన్నాయి. చేతిలో ఒక పుస్తకం తో పుట్టేనేమో అన్నట్టు, ఎప్పుడూ పుస్తకం చదివే నేను ఏమిటో, ఈ దేశం కీ వచ్చాక, కొత్త కొత్త పనులు చేస్తున్నాను. అందులో విజ్రుమ్భించి, వీర లెవెల్ లో వంటింట్లో కీ వెళ్ళి, వంటలు, పిండి వంటలు చేసి పడేస్తున్నాను, తినే వాళ్ళు ఎవరు? అని ఒక పక్క మొత్తుకున్నా  విని పించుకోకుండా . .  . .
ఇది కాక ఇంకో లిస్టు కూడా ఉంది, మనం ఈ జీవిత కాలం లో చూడ వలసిన సినిమా ల లిస్టు అని. 
ఒక పుస్తకం చేతిలో పట్టుకుని, మంచం మీద పడుకునో, సోఫా లో జారబాడో,ఒక ప్లేట్ లో   జంతికలో, మిక్సారో పోసుకుని,  వెలుతురు తగ్గిపోయినా లైట్ వేసు కోవాలని ధ్యాస కూడా లేకుండా ,ఇప్పుడు ఈ పుస్తకం ఆఖరి బైండు పేజీ వరకు చదవక పోతే, ఏదో కొంపలు మునిగి పోతాయేమో అన్నట్టు  పుస్తకం చదివి ఎన్ని రోజులు అయింది. అమ్మా ఆకలి, ఇదిగో, పిల్లలు ఆకలి అంటున్నారు, అతనికి లేనట్టు,  అని ఏవో మాటలు ఇంకేదో లోకం నుంచి వినబడినా వినబడ నట్టు, ఊ.. ఉండు.. లాంటి ఏదో భాష లో సమాధానం ఊ భాష లో ఇవ్వడం, చివర  పేజీ లో అంతా కలుసుకునో, ఏదో ఒక అంతం అయేసరికి, కడుపులో ఏదో ఉండ కట్టినట్టు, ఆకలి బాధ, తెలియడం, అమ్మో, ఇంకా అన్నం అయిన పడేయలేదు, అని లేచి, ఇలా పుస్తకాలు చదువు కునే వాళ్ళ కోసం ,ఎవరైనా భోజనాల సదుపాయం ఎందుకు పెట్టలేదు, అయినా అంతా గొప్ప పుస్తకం చదివాక కూడా ఇలా ఆకలి దప్పులు ,ఈ బాధలు ఏమిటి అసహ్యం గా.. అని నిట్టూర్చి, ఆ రోజంతా ఆ పుస్తకం చదివిన మాయలో కూరుకు పోయి, మొహం ఒక వింత కాంతి లో మెరిసి పోవడం, నాకు కనిపించదు లెండి, ఎవరో చెప్పడమే
ఆహా ఎంత గొప్ప రోజులు అవి.. ఎన్ని పుస్తకాలు ఉన్నాయి ఇంకా చదవ వలసినవి.  హర్రి పోట్టర్ అయితే చదివేసాను పిల్లలతో పోటి పడి, కాని  , లార్డ్  ఆఫ్ ది రింగ్స్ అని తల కింద దిండు లాగ పనికి వచ్చేంత  లావు పుస్తకం, వేరే ఏదో కొత్త భాష కూడా కని పెట్టారు ఆ రచయిత, ఇది ఎప్పుడు చదవడం?  ఇంకా ఎన్నో పుస్తకాలు ఉన్నాయి ఆ లిస్టు లో. 
మన తెలుగు లో కూడా ఎన్నో, మల్లాది రామకృష్ణ శాస్త్రి గారి పుస్తకాలు అన్నీ కోని పెట్టు కున్నాను, ఏవో కొన్నే చదివాను,  మళ్లీ, మళ్లీ, చదవాల్సినవి కొన్ని, వేయి పడగలు సగమే చదవాను, తిరుమల రామచంద్ర ఆత్మ కథ కూడా అంతే, పూర్తి గా చదవ లేదు. 
ఇప్పుడు, చాట భారతం లా రాస్తే చదవ లేరు అని, చేతన్ భగత్ లాంటి వాళ్ళు ,చక్కగా, చిన్న గా ఒక్క పూటలోనో, ఒక ప్రయాణం లోనో చదివేంత, పల్చని పుస్తకాలు, వంద రూపాయలి కే,  జేబు కీ భారం కాకుండా రాసి పడేస్తున్నారు. 
ఇన్ని పుస్తకాలు చదివేను కదా అని, నేనూ రాయడం మొదలు పెట్టాను, ఒక నవల. అబ్బ ఎంత కష్తమో, ఆలోచించి ,ఆ భావాలను , భాష లోకి అనువదించడం ,పాత్రల మధ్య సంభాషణ లు నడి పించడం, అన్నిటిని కల గలిపి ఒక  సమన్వయం , ఒక అర్ధం, ఒక పరమార్ధం.. అమ్మో .. ఇది చాల కష్టమైన పనే.. 
అందుకే.. నాకిష్టమైన పని చదవడమే నేను చేయాల్సిన పని.  ఈ లిస్టు లోని పుస్తకాలు ఈ జీవిత  కాలం లో చదవాలి అంటే.. అమ్మో, ఇంకా ఒక్క క్షణం కూడా వృధా చేయకూడదు. 
అందుకే ఒక్క నిముషం నా గుండె ఆగిపోయింది.. నా జీవిత పర మార్ధం అర్ధం అయింది, పుస్తకం చేతిలో పట్టుకుని ఆఖరి రోజు  వరకు గడి పేయ గల్గడమే నా జీవిత లక్ష్యం ..పుస్తకం,అంటే మంచి పుస్తకం కోని చదవండి...
ఆబిడ్స్  లో ఆదివారం పేవేమేంట్    మీద ఎన్ని పుస్తకాలు దొరుకు తాయో.. అదే కదా షాపింగ్ అంటే..పుస్తకాల ఎక్షిబిశన్ అంటే ప్రాణం లేచి వస్తుంది. పుస్తకాలు  పెట్టుకోవడానికి అరలు ఖాళీ లేదు అంటే ఇంకా పెద్ద ఇల్లు కట్టుకున్దామా? అనిపిస్తుంది.
కొత్త పుస్తకం పేజీల రెపరెపలు, అందు లోంచి వచ్చే , ప్రింట్ వాసన, కొత్త పుస్తకం మనది అని పేరు రాసుకున్న క్షణం.. అన్నీ ఎంత బాగుంటాయి.
అందుకే, ఈ లిస్టు లో నేను చదవాల్సిన పుస్తకాల సంఖ్యా చూసి, నా గుండె ఆగిపోయింది ఒక క్షణం.. 
ఇంకా ఎన్నో పుస్తకాలు చదవాలి, 
అందుకే ఇంకా ఎంతో కాలం బతకాలి. .. నేను.


This is the list....

1 Pride and Prejudice - Jane Austen

2 The Lord of the Rings - JRR Tolkien

3 Jane Eyre - Charlotte Bronte

4 Harry Potter series - JK Rowling

5 To Kill a Mockingbird - Harper Lee

6 The Bible 

7 Wuthering Heights - Emily Bronte 

8 Nineteen Eighty Four - George Orwell 

9 His Dark Materials -  Philip Pullman  

10 Great Expectations - Charles Dicken 

11 Little Women - Louisa M Alcott 

12 Tess of the D’Urbervilles - Thomas Hardy 

13 Catch 22 - Joseph Heller 

14 Complete Works of Shakespeare 

15 Rebecca - Daphne Du Maurier 

16 The Hobbit - JRR Tolkien

17 Birdsong - Sebastian Faulk 

18 Catcher in the Rye - JD Salinger

19 The Time Traveler’s Wife - Audrey Niffenegger 

20 Middlemarch - George Eliot 

21 Gone With The Wind - Margaret Mitchell

22 The Great Gatsby - F Scott Fitzgerald

24 War and Peace - Leo Tolstoy 

25 The Hitch Hiker’s Guide to the Galaxy - Douglas Adams

27 Crime and Punishment - Fyodor Dostoyevsky   

28 Grapes of Wrath - John Steinbeck

29 Alice in Wonderland - Lewis Carroll 

30 The Wind in the Willows - Kenneth Grahame

31 Anna Karenina - Leo Tolstoy

32 David Copperfield - Charles Dickens

33 Chronicles of Narnia - CS Lewis 

34 Emma -Jane Austen

35 Persuasion - Jane Austen

36 The Lion, The Witch and the Wardrobe - CS Lewis

37 The Kite Runner - Khaled Hosseini

38 Captain Corelli’s Mandolin - Louis De Bernieres

39 Memoirs of a Geisha - Arthur Golden

40 Winnie the Pooh - A.A. Milne

41 Animal Farm - George Orwell

42 The Da Vinci Code - Dan Brown

43 One Hundred Years of Solitude - Gabriel Garcia Marquez 

44 A Prayer for Owen Meaney - John Irving

45 The Woman in White - Wilkie Collins

46 Anne of Green Gables - LM Montgomery 

47 Far From The Madding Crowd - Thomas Hardy 

48 The Handmaid’s Tale - Margaret Atwood

49 Lord of the Flies - William Golding

50 Atonement - Ian McEwan

51 Life of Pi - Yann Martel

52 Dune - Frank Herbert

53 Cold Comfort Farm - Stella Gibbons

54 Sense and Sensibility - Jane Austen

55 A Suitable Boy - Vikram Seth

56 The Shadow of the Wind - Carlos Ruiz Zafon

57 A Tale Of Two Cities - Charles Dickens

58 Brave New World - Aldous Huxley 

59 The Curious Incident of the Dog in the Night-time - Mark Haddon (amazing) 

60 Love In The Time Of Cholera - Gabriel Garcia Marquez

61 Of Mice and Men - John Steinbeck

62 Lolita - Vladimir Nabokov

63 The Secret History - Donna Tartt

64 The Lovely Bones - Alice Sebold

65 Count of Monte Cristo - Alexandre Dumas

66 On The Road - Jack Kerouac

67 Jude the Obscure - Thomas Hardy

68 Bridget Jones’s Diary - Helen Fielding

69 Midnight’s Children - Salman Rushdie

70 Moby Dick - Herman Melville

71 Oliver Twist - Charles Dickens

72 Dracula - Bram Stoker

73 The Secret Garden - Frances Hodgson Burnett

74 Notes From A Small Island - Bill Bryson

75 Ulysses - James Joyce

76 The Inferno - Dante

77 Swallows and Amazons - Arthur Ransome

78 Germinal - Emile Zola

79 Vanity Fair - William Makepeace Thackeray 

80 Possession - AS Byatt

81 A Christmas Carol - Charles Dickens 

82 Cloud Atlas - David Mitchell

83 The Color Purple - Alice Walker

84 The Remains of the Day - Kazuo Ishiguro

85 Madame Bovary - Gustave Flaubert

86 A Fine Balance - Rohinton Mistry

87 Charlotte’s Web - E.B. White

88 The Five People You Meet In Heaven - Mitch Albom

89 Adventures of Sherlock Holmes - Sir Arthur Conan Doyle 

90 The Faraway Tree Collection - Enid Blyton

91 Heart of Darkness - Joseph Conrad 

92 The Little Prince - Antoine De Saint-Exupery (in French and in English)

 93 The Wasp Factory - Iain Banks

94 Watership Down - Richard Adams

95 A Confederacy of Dunces - John Kennedy Toole 

96 A Town Like Alice - Nevil Shute

97 The Three Musketeers - Alexandre Dumas

98 Hamlet - William Shakespeare

99 Charlie and the Chocolate Factory - Roald Dahl

100 Les Miserables - Victor Hugo










21 నవం, 2010

చదువు- సంస్కారం...

చదువు- సంస్కారం..అంటారు, ద్వంద్వ  పదమే కాని, చదువు తో సంస్కారం వస్తుంది అని గారంటీ లేదు ఏమో అనిపిస్తుంది, కొన్ని విషయాలు చూస్తే ,వింటే..
సైన్స్ పుస్తకం లో చిన్నప్పుడు అందరూ చదివే ఉంటారు, పుట్టేది ఆడా? మగా? అని నిర్ధారించే జన్యువులు మగ వారిలోనే ఉంటాయి, అని, తీరా ఆడ పిల్ల   పుట్టేసరికి ,తల్లి ని బాధ్యురాలిని చేసి, ఆమెను కొట్టడం, మాటలతో గాయ పర చడం, ఇంకా చంపేయడం, అవి చూస్తే మనం ఏ యుగం లో ఉన్నాం అనిపిస్తుంది. అసలు ఆడ పిల్ల అంటే ఎందుకు అంత లోకువ?
ఇప్పుడు తల్లితండ్రులని కని పెట్ట్టుకుని, ప్రేమగా చూసేది ఆడ పిల్లలే, చక్కగా చదువు కుంటున్నారు, ఉద్యోగాలు చేస్తున్నారు, పిల్లలని పెంచుతూ, ఇంటా బయటా బాధ్యతలు సక్రమం గా నిర్వర్తిస్తూ, ఇంటికే ఒక కళ గా వెలుగు తున్నారు. ఇలాంటి ఆడ పిల్ల పుట్టింది అని విచారించే వారిని చూస్తే, తన్నా లని పిస్తుంది నాకు అయితే. 
సైన్స్ అంటే ఏమిటి, పుస్తకాల్లో చదివి, డిగ్రీలు తెచ్చుకుని, ఉద్యోగం చేయడాని కేనా? ఏమిటి ఈ చదువులు ? మనసు కి వికాసం , వెలుగు, ఇవ్వని ఈ చీకటి చదువు , డబ్బు పెట్టి చదువులు కొను క్కునే చదువులు ఉన్నంత కాలం , మనుషులు ఇలాగే అజ్ఞానం లో కొట్టుకుంటారు. 
మనుషులంతా ఒకటే, ఆడ పిల్ల అయినా ఆమె కూ, ఒక మనసు, మెదడు ఉంటాయి అని ఇంకా ఎన్ని యుగాలు ఎలుగెత్తి చాటు తూ ఉండాలి. ఒక వీరేశ లింగం గారు, ఒక గురజాడ , ఒక చలం, ఒక కొడవటిగంటి, ఇలా ఎంత మంది ఎన్ని రకాలుగా చెప్పేరు, సమాజం అభివృద్ధి చెందింది అనడానికి తార్కాణం ,అక్కడ స్త్రీలకి పొందే గవ్రవమే   నని. 
పల్లెటూరుల్లో, పని పాటలు చేసు కుని బతికే వారిలో ఈ వివక్ష అంత కని పించాడు, పట్టణాల్లో  ,  నగరాల్లో, బాగా చదువుకుని, ఆస్తులు అవి ఉన్న స్థితి మంతులకే  ఈ జబ్బు ఉన్నట్టు తోస్తోంది. ఆడ పిల్ల అంటే కట్నం ఇవ్వాలని, ఆస్తులు పంచాలని, అంత ఖర్చే తప్ప వెనక్కి ఆదాయం రాదనీ, లెక్కా  జమలు చూసుకుని, ఒక ఇంటూ పెట్టేసి, భ్రూణ హత్య లకి కూడా పూను కుంటున్నారు. 
ఇంకా బాధ కలిగించే విషయం అత్తగార్లే, లేదా తల్లులే వీటిని ప్రోత్స హించడం. ఎంత అజ్ఞ్ఞానం, ఎంత చీకటి, సమాజం లో, వెయ్యి మగ శిశువు  జననాలకి , ఆడ శిశువుల జననం ఎనిమిది వందల వరకు పడి పోయింది ట. రేపు ఈ మగ పిల్లలు పెద్ద వారు అయి, వారికి పెళ్లి చేయాలి అంటే ఆడ పిల్లలే దొరకడం కష్తం అయి, ఒక విపరీత , విపత్కర ,పరిస్థితి కి దారి తీయ వచ్చు.
ఇలాంటి విపరీత పరిస్థితి మీద ఒక సినిమా కూడా తీసారు ట, నేను చూడలేడు, పేరు కూడా గుర్తు లేదు కాని, ఇంట్లో మగ వారు అంతా ఒక కోడలు ని ఎలా అనుభవిస్తారో, ఆమె మవున సంఘర్షణ , చివరకు ఏమయింది కూడా తెలీదు నాకు, కాని ఇలాంటి సినిమాలు, అందరు తప్పక చూడాలి, ఆడ పిల్లలు కరువైన సమాజం ఎంత దుర్భాగ్యపు స్థితి లో ఉంటుందో అందరికి తెలియాలి. 
ప్రభుత్వం ఎన్ని చట్టాలు చేసిన, సామాజిక మార్పులు రానిదే, ఏమి ఫలం లేదు, వర కట్న నిరోధ చట్టం, గృహ హింస నిరోధ చట్టం, ఆస్తి హక్కు, ఇంకా చాల చట్టాలు ఉన్నాయి. ఎక్కడ స్త్రీ గావ్రవింప బడదో అంటూ, మన పురాణాలు కూడా స్త్రీలని నెత్తిన పెట్ట్టుకున్నాయి.
ఇంటెడు చాకిరి కి కొలమానం లేదు, ఒక విలువ లేదు, తన సంపాదన మీద పెళ్లి అయాక అధికారం ఉండదు, తల్లి తండ్రులని చూడ వలసి వస్తే, అత్త గారింట్లో ఆంక్షలు, సమాజం లో అడుగడుగునా చిన్న చూపు,  వీధి లోకి అడుగు పెడితే ఎదురు అయ్యే, మగవారి నీచపు చూపులు, మాటలు,  ఆఖరికి ఆఫీసు లో కూడా వివక్ష, సతాయింపులు, ఎంత పని చేస్తున్నా విసిరే చులకని మాటల కత్తులు, ఇవి అన్నీ ఎదుర్కునే అమ్మలు, ఒక స్త్రీ గా , నా కూతురుని  పువ్వులాగా ఎలా పెంచగలను, ఈ సమాజం లో అని మధన పడి, అమ్మో , నా గర్భం లో ఆడ పిల్లా? అని కన్నీళ్ళు కార్చే వారికి ఒక్కటే సమాధానం. ఏడిచే వారినే ఏడిపిస్తుంది, ఎదురు తిరిగి ఒక్కటి చ్చి,  నా గర్భం లో శిశువు నా రూపం, దానిని మొగ్గ గా తుంచే హక్కు మీకు ఎవరికి లేదు అని అరచి చెప్పాలి. 
స్త్రీలని విలాస వస్తువులు గా, అశ్లీలం గా చూపే, ఈ సినిమాలు, మీడియా ,సాహిత్యం లను మనం ఖండించాలి, ఒక మగవాడు, ప్రేమిస్తే అదే భాగ్యం అనుకుని ఒప్పు కోని వారి మీద ఆసిడ్ లతో దాడులు, అత్యాచారాలు, చిన్న పిల్లలని కూడా లేదు, వారి మీద లైంగిక దాడులు, చూస్తూంటే  , వింటూ ఉంటే, భయం వేస్తుంది, ఏమిటి సమాజం ఇలా ఇంత ఘోరం గా తయారు అయింది ఏమిటి? అని.
రోజు రోజు కీ, అభద్రతా భావం పెరిగి పోతోంది మహిళ లో, వీటి అన్నిటికి మూల  కారణం, మనిషి లో కరువు అవుతున్న మానవత్వం.. చదువు అంటే ఒక డిగ్రీ, ఉద్యోగం, డబ్బు, ఇదే, అని నమ్మే నేటి యువ తరం, అలాంటి చదువు నే ప్రోత్సహిస్తున్న ప్రభుత్వం, అంతా ఒక విష వలయం లాగ ఉంది.
అమృత భాండారం లాంటి ఒక స్త్రీ, ఒక అమ్మ, ఒక కూతురే, ఈ విషానికి విరుగుడు. 
ఆడ పిల్లలని ఆనందం  గా ఇంట్లో కీ ఆహ్వానిద్దాం, ఇద్దరు ఆడ పిల్లలే అని కంగారు  కాదు, భయం కాదు, లక్ష్మి, సరస్వతి వచ్చారు మన ఇంటికి అని సంతోషించండి, చక్కగా చదివిస్తే, ఆడ పిల్లే ఇంటికి దీపం. ఇంటికి అందం. అయ్యో ఒక్క ఆడ పిల్ల లేదే అని బాధ పడాలి , ఇప్పుడు చాల మారింది సమాజం మునుపటి రోజులు కావు అనే వారికి, 
పూణే లో ఈ మధ్యనే, ఒక టెఖి , ఆడ పిల్ల పుట్టింది అనే నెపం తో భార్య ని చంపేసాడు అనే వార్త చదివాక, ఇలాంటి ఒక్కరేనా, ఇంకా ఎంత మంది ఉన్నారో? ఎలా , ఎప్పటికి బాగుపడుతుంది ఈ సమాజం? అనే ఆవేదన లోంచి పుట్టింది ఈ పోస్ట్. వాడు పుట్టింది ఒక అమ్మ కే గా?  ఒక స్త్రీ  కే కదా? ఏమిటి వాడి దురహంకారం? ఒక నిండు ప్రాణాన్ని , తీసేయడానికి , కారణం ఆడ పిల్ల పుట్టడమా? వాడి వల్లే కదా? ఈ విషయం కూడా తెలీని మూర్ఖుడా? అందుకే అంటున్నాను, చదువు- సంస్కారం.. కలగలిపిన వ్యక్తుల తో నిండిన సమాజం కావాలి, రావాలి...



11 నవం, 2010

జ్ఞాపకాలు

నాలుగు గోడలు, ఎనిమిది తలుపులు
మధ్య ఉంటాయా?    తలపులు, గుర్తులు 
చిన్నప్పటి   , జ్ఞాపకాలు?
మొక్క చెట్టై,పండిన జామకాయలు
కోసం చిలకలు తో పోటి పడడం,
కింద పడి,చేతులు చెక్కుకు పోవడం,
తులసి కోట పక్కనే మామిడి చెట్టు 
ఎదిగి ,పెరట్లో, పైకి డాబా మీద కి 
ఒంగి కబుర్లు చెప్పడం -మేం వినడం,
సన్న జాజి తీగ తిన్నగా పాకి,సాగి,
చేతిలోకి పువ్వులు పూయించడం, సాయంత్రాలకి,

టప  టప మని కురిసే తొలకరి వాన
చినుకులకి,  లేచి, అర్ధ రాత్రి, డాబా ని 
వదిలి ,పరుపు చుట్టుకుని, క్రిందికి 
పరుగులు తీయడం, ఒక్క డేరా ఉంటే 
చాలు, ఎంత బాగుంటుంది, ఈ వాన లోనే 
పడుకోడానికి అని కలలు కనడం,
పెద్దవుతే  తప్పక ఓ డేరా( టెంట్) కొనుక్కుని,
ఈ వాన లోనే పడుకోవాలని అని ప్రమాణాలు 
చేసుకోవడం మనసులో...

ప్రక్కింటి పిల్లలు తో దాగుడు మూతలు 
తమ్ముడు, చెల్లెళ్ళు తో చీకటి గది ఆటలు,
మోకాలి చిప్ప పగిలి చెల్లి ఏడుపు,
తమ్ముడు బిక్క మొహం, నాన్న మందలింపులు,
బడిలో ఆటలో, ఆటల్లో బడో,
ఎంత హాయి అయిన బాల్యం !!!

మామ్మగారి చేయి పట్టుకుని ,పంట 
నూర్పులు దగ్గరుండి నూర్పించడం,
వరి కంకులు ,వరండా లో పిచుకులకి 
ఆహారం గా తగిలించి ,ఆహ్వానించడం, 
చూరు నుండి సంగీతం తో పలకరించే
వాన చినుకులని దోసేళ్ళతో ఆస్వాదించడం,

చిన్న మామ్మ, చిన్నాన్న, పెద నాన్న,
పెద్దమ్మ, పెద్దత్తో, చిన్నత్తో, ఎప్పుడూ
ఎవరో ఒకరు ఇంటి నిండుగా
పలకరించడం, నాన్న ఆఫీసు టేబుల్ 
చెప్పే కోర్టు కథలు,  వ్యాజ్యాలు వినడం,
ఎంత దూరమైనా చుట్టం నాన్న కి దగ్గర చుట్టమే,
చుట్టాలు అందరు  నాన్న సలహా వినడం...

సెలవుల్లో, తాత గారింటికి ,తాళాలు వేసిన
ట్రంకు పెట్టేలతో ,నాన్న పాసింజేర్ రైలు 
ఎక్కించడం, అమ్ముమ్మ గారింటికి, అదే 
సముద్ర తీరాన్న ఉన్న విశాఖ పట్నం కి,
అందరం తరలి వెళ్ళడం, రెండు నెలలకి,
మావయ్య ,అత్తల ఇంట్లో వేసవి, ఉక్క రోజులు..

వర్షా కాలం లో వరద నీరు 
ఇంట్లోకి పిలవని అతిథి లా వచ్చి
పలకరించి వెళ్ళడం ,ఇంట్లోనీళ్ళల్లో, 
మేం పడవలు వేసుకుంటే పెద్ద వాళ్ళు
గిన్నెలు, పుస్తకాలు సర్దు కోవడం,
తమ్మిలేరు లో  నీటి పండుగ...

ఒకటా ? రెండా?? పదా? పన్నెండా??
ఎన్నో ఎన్నెన్నో జ్ఞాపకాలు.. గుర్తులు..
తలపులు, తీయని బాల్యం వి..
తీయ తీయని పటిక బెల్లం ఊరింపులు, 
నాలుగు గోడలు, ఏమిమిది తలుపులు,
ఉంటేనేం? లేక పోతేనేం??

ఈ ఇల్లు స్థానం లో, మరో మేడ వస్తేనేం?
ఎవరెవరో వచ్చి ఉంటేనేం? 
మీ బాల్యం, గుర్తులు, మీ మది నిండా 
ఎప్పటికి భద్రం, ఎప్పటికి, మరి ఎప్పటికి...

ఏలూరు  126/B......ఇంటిలో నా వాళ్ళ కోసం..







10 నవం, 2010

హే భగవాన్.. రక్షించు నా దేశాన్ని

హే భగవాన్..
రక్షించు నా దేశాన్ని ..
పదివి అంటే ఆస్తులు పదిల పరుచుకోవడమే, తర తరాలకు సరిపడా ధన రాసి ని వెనక వేసుకోవడమే, అనే ఉద్యోగస్తు ల నుండి,
ఎం ఎల్ ఏ అంటే, ప్రతి పని లోను కమీషను, అయిదు ఏళ్ల లలో వీలైననంత ఆస్తులు, కావాల్సిన వారికి ఉద్యోగాలు, వేయించుకునే రాజకీయ వ్యాపారస్తులనుండి, 
ఎంపి అంటే ఇంకా ఎక్కువ ఆస్తులు, సమాజాన్ని, ముక్కలు ముక్కలు గా విభజించడం, తమ కులమో, వర్గమో, వారికే సకల సంపదలూ, సకల సదుపాయాలూ, సమకూర్చే ఒక ఉన్నత స్థానం అనుకునే వారి నుండి,
ముఖ్య మంత్రి అంటే- తమ తమ పిల్లలకు, వారసత్వం గా అందించ డానికి, తయారు చేస్తున్న వారసత్వపు కుర్చీ , రాష్ట్రం లో ఎక్కడ ఖనిజ సంపద ఉన్న ,తమ వారికే అప్పగించడానికి, ఒక అధికారం, అనో, లేదా, రాష్ట్ర ఆస్తుల ను, తమ అత్తగారి ఆస్తులు గా కానుక లేచ్చే వారు, లేదా ఉచితం గా కొన్ని కానుకలు పంచి, మందు రూపం లో తిరిగి ఖజానా కి ఆ ధనం వెనక్కి తీసుకునేవారు, ముందు చీప్ లికౌర్ అలవాటు చేసి, తరువాత ఆ జబ్బులకి ఆరోగ్య శ్రీ అని ప్రైవేట్ ఆసుపత్రి లకి కొన్ని కోట్లు జమ చేసే వారు, విద్య ను వ్యాపారం చేసి అమ్ముకునే వారు, భగవాన్ ఈ ముఖ్య మంత్రి ల నుండి,
ఒక చెయ్యి వెనక్కి కట్టుకుని, ఒంటి చేతి తో ఈ భారత్ దేశ రథాన్ని , అసహాయం గా చూస్తూ, వెనక వెనక్కి, ముందుకు నడిపే మన ప్రధాన చోదకుడు, లక్ష ల కోట్లు నష్తం తెచ్చిన ఓ మంత్రి ని తీసేయలేని రాజకీయ కూటమి తో నడిపిస్తున్నారు ఈ దేశాన్ని..
హే భగవాన్, వీరి నుండి రక్షించు నా దేశాన్ని..

మన దేశం కి వచ్చి కొన్ని వేల ఉద్యోగాలు, కొన్ని కోట్ల వ్యాపారాలు, మరి కొన్ని అణు ఒప్పందాలు చేసుకుని ఆనందం గా నాట్యం చేసిన ఒబామా దంపతులని చూసి,
ఒక్కసారి, కుర్చీ లతో కొట్టుకోకుండా, తలలు బద్దలు కొట్టుకోకుండా, కూర్చోండి, దయచేసి కూర్చోండి అంటూ, మున్సిపల్ బడి లో టీచెర్ లాగ గొంతు చించు కోకుండా మన స్పీకెర్ మహిళ కి శ్రమ తప్పించిన ,ఒబామా స్పీచ్ , మనని ఎంత ఉద్వేగ పరిచిందో, 
ఎంత గా కదిలించిందో, ఎంత దేశ భక్తీ ని రగిలించిందో, జై హింద్ అంటూ మన ఒళ్ళు గగుర్చేలా ఎలా నినాదం ఇచ్చారో, 
నవ యువత కి చదవండి, ఎదగండి, మీదే ప్రపంచం , మీరే నేతలు, మీరే అసామాన్యులు, మీరే రేపటి ప్రపంచ పఉరులు,
కులాలు, మతాలూ, అంటూ విభజించే మన నేతల మాటలు విని చెవులు గళ్ళు పడి పోయిన మన పిల్లలికి ఒక మేలుకొలుపు లాంటి స్పీచ్, 
అందుకే నేను అనుకున్నాను, ఒబామా, 
మా దేశానికి దేశభక్తి, ఒక సందేశం ఇచ్చే మహత్తర కార్యం ను, మేం మీకు అవుట్ సోర్సింగ్ చేస్తున్నాం..
హే భగవాన్, రక్షించు నా దేశాన్ని, రక్షించు నా దేశాన్ని..




8 నవం, 2010

టు డై ఆర్ నాట్ టు డై ....

అబ్బే నాకు వేరే ఆలోచన లేదు, శత మానం భవతి అని చాల దీవెనెలు తల మీద ఉన్నాయి, పెద్దలవి.
ఈ సాల్ట్ అండ్ పెప్పేర్ అంటారు, కదా , సాల్ట్ ఎక్కువ అయిపోయిందే ,అందరు నన్ను చూసి ఏం అనుకుంటారు?  కాళ్ళు నొప్పులు, మెడ నొప్పులు ఇంకా ఏవో బాధలు ఉన్నా,మన  వయసు దాచడానికే  ఈ ప్రయత్నాలు అన్ని..
ప్రపంచ సుందరి ఐశ్వర్య చెప్పింది అని ఒక షాంపూ, అంతా కంటే గొప్ప భువనైక సుందరి ట, సుష్మిత  సేన్ చెప్పింది (ఆవిడ ఓ అమ్మాయిని పెంచుకుంటోంది అని ఒక ఇష్టం), ఆవిడ వాడ మంది అని ఇంకో రకం, ఇంకా ఇప్పుడిప్పుడే జేనేలియా అని ఒక చిన్న పిల్ల చెపుతోంది, ఇది వాడితే, నా అంత అందం గా కనిపిస్తారు అని, అంత మిధ్య అని తెలిసినా ఎలా ఈ జీవితం లో కోరికలు పెంచు కుంటామో, అలాగే, ఈ విజ్ఞాపనలు ఓ మిధ్య అని తెలిసినా ,తెలిసి, తెలిసి, వ్యామోహం లో పడిపోతాం. 
సరే, ఆఖరికి ఈ సాల్ట్ అండ్ పెప్పేర్ జుట్టు మిగిలింది, ఈ షాంపూ లు అవి వాడడం వల్ల. ఇంకా ఇప్పుడు వీటికి ఓ రంగు వేయడం తప్ప ఇంకో మార్గం లేదు అని ఒక మొహమాటపు నిర్ణయానికి వచ్చాను.
మేహేంది అని పిలవబడే మన గోరింటాకు  ట్రై చేయండి అని, సెలవు ఇచ్చారు, ఇప్పటికే ఈ విషయాల్లో తల పండిన వాళ్ళు. సరే అని,  గోరింటాకు పొడి లో, ఏవో పది రకాల పొడులు, గుడ్డు, డికోశున్, ఇలాంటివి ఏవో నానా రకాలు కలిపి తలకి పట్టిస్తే, చిత్ర కారుడు వాడే రంగుల మిశ్రమం లాగ తయారు అయింది, పెద్ద వారు, ఫ్రెండ్సు, మొహమాట పడి, ఏమి అనలేదు కాని, మా చెల్లెలు కూతురు, రాజు గారి బట్టల గురించి నిజం బయట పెట్టినట్టు, దొడ్డమ్మా నీ  జుట్టు ఆరు రంగుల్లో ఉంది, అని చెప్పింది.. చక్కగా గుట్టు రట్టు చేస్తూ..
ఈ రంగుల బుట్ట ని ఎలా మోయడం, పూర్తి గా ఒకటే రంగు అని నిర్ణయించి, సరే అని మళ్లీ మన ఐశ్వర్య రాయ్ చెప్పింది కదా అని ఓ రంగు డబ్బా కొన్నాను, దాని ఖరీదు చూసి, ఇంట్లో వారు, నువ్వు ఎలా ఉన్న నాకు (మాకు) బాగానే ఉంటావు, అయినా ఎవరు నీ తల ఎవరు చూస్తారు? అని ఒక  ఐ ఐ టి ప్రొఫెసర్ ఏదో సందర్భం లో ఇలా అన్నాడు, నేను రెండు వారాలు, రంగు వేసుకున్నాను, మూడో వారం పని హడావిడి లో మర్చి పోయాను, ఒక్కరు కూడా, వేసుకున్నానని కాని, వేసుకోలేదు అని కాని, ఒక్క కామెంట్ చేయలేదు, ఇంకా ఎందుకు అని నేను నేను లాగే ఉంటున్నాను అని చెప్పాడు అని నాకు కూడా కొంచం జ్ఞానోదయం చేయడానికి ప్రయత్నించారు.ప్రొఫెసర్ ని చూసి, అందరు తల దించుకుని వెళి పోతారు ,అంతే కాని తల ఎత్తి, మొహం లోకి చూడరు, పైగా ఆయన ఉండేది ఎక్కడో కామ్పుస్ లో, మనం ఉండేది, ఇంత మంది ఉన్న ఈ గొప్ప ఊరులో కదా..లాభం లేదు, అని నా మానాన నన్ను వదిలేసేరు, నా ఖర్మానికి, నా రంగుల ఎక్స్పెరిమెంట్ కి..
మనం ఈ బాధలు పడలేం అని , ఈ రంగులు వేసే వారి ముందు తల దించాను, ఓ రెండు గంటలు లో, నేను బయటకి వచ్చాను, బీచ్ రోడ్ లో నడుస్తూ ఉంటే రోజు పలకరించే వారు కూడా అలాగ పలకరించా కుండా వెళుతూ ఉంటే ఏమిటో అనుకున్నాను, నల్లని జుట్టు తో నా మొహం నేనే గుర్తు పట్టకుండా ఉంది, ఎవరో ఈమే  అనుకున్నాను,అద్దం లో చూసుకుని, ఇంత నల్ల మేఘం లాంటి జుట్టు నాకు ఎప్పుడూ లేదు, మనది బ్రౌన్ కలోర్   , అలా అని ముందే చెప్పాలి ట ..
నలుపు  లో ఇన్ని రంగులా మళ్లీ? బోలెడు  షేడ్స్ ట..ఇన్ని గొడవలా? పోనీ ఇలాగే ఉన్చేసుకుందాం అని మధ్యలో అని పించినా , ఐశ్వర్య రాయ్ కూడా వేసుకుంటోంది రంగులు, మనకి ఏం తక్కువ? అని మళ్లీ మొదలు పెట్టాను నా ప్రయత్నాలు. 
ఇంటి నిండా ఎక్కడ కూర్చుంటే అక్కడ జుట్టు రాలి పడడం, ఈ రసాయనాలు ,మరి ఏం చేస్తాయి   ? ఉన్న జుట్టు ని రాల్చేస్తాయి కాబోలు?  భూగోళం మీద ఓ పెన్సిల్ గీత గీసినట్టు, పల్చని, ఈ జుట్టు ని ఇలాగ సాల్ట్ అండ్ పెప్పేర్ రూపం లో అయినా మిగుల్చు కోవాలి అంటే, ఈ రంగుల మేళం ఇంకా ఆపేయాలి కాబోలు. 
అయినా మనం వాడే సబ్బులు అన్నీరసాయనాలే. పొద్దున్నే వాడే పేస్టు నుంచి అన్నీ అవే, ఏదో, పువ్వు పరిమళం , లేదా నిమ్మ ,దానిమ్మ అంటూ ఏవో పళ్ళ, పూల పేర్లు చెబితే మనం నమ్మేస్తాం, అన్నీ చక్కని ఆ వాసన ఇచ్చే రసాయనాలు, ఆర్గానిక్ కెమిస్ట్రీ లో ఉంటాయి, ఇలగ్గా వాసనలు వచ్చే వాటి కోసం ఏమిమి కలపాలో, అదంతా ఒక వ్యాపారం.
అందాల నిచ్చే సాధనాల వ్యాపారం అంత కోట్ల కోట్ల లో ఉంది ట. మన భారత దేశం లోని అందాల ,ఆడ పిల్లల్ని ఆకర్షించ డానికే, ఒకటి రెండు సార్లు మనకి విశ్వ సుందరి లాంటి బిరుదులూ ఇచ్చేరు అని ఒక వార్త.. ఉంది.
చెప్పకేం, మనం చక్కగా పడి పోయేం,ఇప్పుడు చిన్న చిన్న ఊరు లలో కూడా రాంప్ వాక్స్ అంటూ నడిచేస్తున్నారు, వీధికి ఒక అందాలు మెరుగు పరిచే పార్లర్లు, అందాన్ని ఇనుమిన్డించే రక రకాల  సాధనాలు, ఖరీదు అయిన వాటికి పోటి గా వాటిని పోలిన చీప్ రకాలు, ఇమిటేశాన్లు, ఏమిటో అందం , తెలుపు- నలుపు వీటిలో ఉంటుందా? 
యింక  ఈ నల్ల వారిని అందర్నీ, తెల్లగా మార్చేయడానికి కంకణం కట్టుకుని ,కొన్ని సాధనాలు , ఎంత ప్రాముఖ్యం సంపాదిస్తున్నాయి అంటే, ఆడ వాళ్ళు మార్కెట్ అయిపొయింది అని మగ వారు మీద కూడా పడ్డారు. తెల్లగా అయిపోతే చాలు ట, ఉద్యోగాలు నడుస్తూ వస్తాయిట, టెన్నిస్ , లాంటి ఆటలు ఎంత కష్ట పడాలో, వాటికి కూడా, తెలుపు ఒక్కటే మార్గం అని నమ్మిస్తున్నారు. వ్యాపారం ,చల్లగా ఉంటే చాలు, ఎన్ని మాటలు అయినాచేపుతారు, మనం కూడా , చూడగా ,చూడగా పడి పోతాం ఆ మాయ లో. లేక పోతే, నాకు ఇప్పుడు ఈ నలుపో, బ్రౌనో.. ఇది అవసరమా?
పైగా ఏదో పెద్దరికం కూడా ఉంటుందేమో, నాకు ఎక్కడ ఆ జాడలు కనిపించ క పోయినా.. నా జుట్టు , నా తల నా ఇష్థం. ఏమైనా చేసుకుంటాను.. ఏమో అంతా తల తిక్క వ్యవహారం నీది.. అదే నాది.. అన్ట్టారు ఇంట్లో..
శుభం..రంగు పడింది..అదే తలకి.. ఇప్పుడు ఇంకో  షేడ్ లో..