మన విశాఖ అందాలు..

నీలి ఆకాశం ,సంద్రం లో తొంగి చూస్తూంటుంది.

ఉదయమే సూర్య బింబం ,విశాఖ నుదుటి 

బొట్టు లాగా ,ఉదయిస్తుంది,

ప్రతి అలా, సముద్రపు నీటి బొట్టు ,

కిల కిల నవ్వుతూ, తుళ్ళుతూ 

కబుర్లు మొదలు పెడ్తుంది, విశాఖ 

ప్రజలతో, హోరు మని ..

నాన్న లాగ ,గంభీరం గా

భుజం మీద చేయి వేస్తూ, ఎప్పటికి 

అలాగే నిల్చుంటాయి, తూరుపు కనుమలు 

గర్వం గా, అభిజాత్యం గా..

ఎంత ఎత్తో, ఆ ఎత్తు మీదే ఒక తలమానికం 

ఏడిచే పిల్లలకి ఆట వస్తువు లాగ

గుండ్రం గా తిరుగుతూలైట్ హౌస్

ఓడలకి మార్గ దర్శకత్వం ,

విశాఖ ప్రజలకి, రాత్రి ఓదార్పు, ఈ కిరణాలు.

ఒక కొండ మీద సాగర దుర్గమ్మ,

మరో కొండ పై నరసింహ స్వామి ఉగ్రం గా

నగరానికి రక్షణ గా నిలిచారు.

జగదాంబ, అక్కయ్యపాలెం,

నక్కవాని పాలెం, మద్దెల పాలెం

మువ్వలవాని పాలెం, మధుర వాడ,

సీతమ్మ దార, మాధవ ధారా, 

సిమ్మాచలం, గోపాల పట్నం,

జోడుగుళ్ల పాలెం, కంచర పాలెం,

సిరిపురం, ఇసక తోట, నక్కవాని పాలెం,

రామనగర్, మహారాణి పేట, పెద జాలరి పేట

చినజలరి పేట, పెద వాల్తేరు, చిన వాల్తేరు..

ఇంత అందమయిన పాట లో పల్లవి 

లాగ ఉన్నవి ,మా ఊరు లో పేట ల పేర్లు,

ఎంత తెలుగు తనమో, ఎంత బాగున్నాయో

కైలస గిరి ,పై వెలిసిన పార్క్, వుడా పార్క్,

అందమయిన అమ్మాయి ,పొడవయిన 

జడ లాగ ,నల్లగా మెరుస్తూ బీచ్ రోడ్,

రోడ్ కి ఒక వేపు అనంత సాగరం,

మరో పక్క ,అనంత జీవితాన్ని 

కాచి వడ బోసిన పెద్దలు, మహా కవులు,

రచయితలు, నాయకులు, మా తూర్పు 

వారివి తో సహా, మరి కొన్ని విగ్రహాలు,

నిమ్మళం గా చూస్తూ, పరుగులు తీసే 

జన వాహిని కి బాసట గా, మరో కేంద్రం 

అంటే జుక్త్షణ్ లో, మన కందరికీ 

దేశమంటే మనుషులోయ్ అని చెప్పి,

కన్యాశుల్కం అనే అజరామర గ్రంధాని 

ఇచ్చిన గురజాడ వారు, కుర్చీ వేసుకుని 

కూర్చుని, పిల్లలూ నెమ్మది, నెమ్మది, 

ఏమిటి ఫాస్ట్ బతుకులు అన్నట్టు 

కోర్చుంటారు, మనింటి పెద్ద లాగ.

బీచ్ రోడ్ మీదే ఒక పడుకున్న 

తిమింగలం లాగ ,ఒదిగి ఉంటుంది 

సబ్ మరినే మ్యుసియం , ఎంత బాగుంటుందో

లోపల, మా విశాఖ జ్ఞాపకాల ని దాచి బెట్టిన

నరో మ్యుసేయం , బీచ్ రోడ్ మీద క్రిశునుడి 

ఇస్కాన్ గుడి, ఇంక ముందు కి వెళితే

ఎర్ర మట్టి దిబ్బలు, యుగ యుగాల రహస్యాలు 

ని దాచుకుని, భీమ్లి బీచ్ అందాలూ లో

చలం ,సురీస్ మూర్చ పోయి , కథలు రాసేరు,

నివసిన్చేరు, బొర్రా గుహలు అరకు ,మరి

ఇంక అడగకు ,ఆ అందాలు, ఈ విశాఖ నించే 

ప్రయాణం మొదలు..

తూర్పు తీరాన వెలిసిన మణి హారం ,విశాఖ..

అందుకే మరి ,విశాఖ అందరికి ముచ్చట.

నా విశాఖ కాదు, మా విశాఖ, మనందరి విశాఖ..

అందరికి స్వాగతం, ఈ అందాల ,సుందర నగరానికి,

ఇంకా అటు, బెల్లం తీపి అనకాపల్లి, స్టీల్ ప్లాంట్

మర్చిపోయేను, ఇటు మహారాజుల విజయనగరం 

అబ్బా,,ఎన్నెన్నో ..మణి హారం విశాఖ, మా విశాఖ లో..

అందరికి స్వాగతం మరి, మీ అందరికి స్వాగతం 

విశాఖ అందాలలో సేద తీరండి , ఆస్వాదించండి..