"http://www.jalleda.com/images/jalleda3d48x32.png">

9 జులై, 2014

రెండు కవిత లు ..

స్టిల్ ఫోటో 

మనం ఇల్లు సద్దుకుందాం అనుకుంటూ ఉంటాం ..
ఇంతలో పిలుపు వస్తుంది ..
ఎక్కడ చదువుతున్నామో మడత పెట్టిన పుస్తకం అలా బోర్లించి .
అయ్యో పుస్తకం నలిగి పోతుంది ..ఐనా అలాగే చేస్తాం ..
అదే అలవాటు మరి ..
బీరువాలో ఒక కొత్త చీర ,ఇంకా అంచులు , జాకెట్టు కుట్టించలేదు
ఆఖాశం మీద చుక్కల్ల్లా గా ,ఎంత అందమైన పూలు చీర నిండా ,,
రేపటికి దాచుకున్నాను ..ఆ మంచి రోజు కోసం ..
ఆ పండగ కోసమే
అన్నీ అలాగే ఉంటాయి ..
నువ్వే ఉండవేమో ..
గుండె ఝల్లుమంది కదూ
లైఫ్ స్టిల్ ఫోటో ..
కదిలించి ,నడిపించి ,అనుభవించు ..ఇప్పుడే ..
ఈ క్షణమే ...
అవును ..ఈ క్షణ మే ..
స్టిల్ ఫోటో ..నువ్వు అయిపోక మునుపే ..


భోషాణం ..23-06-14


అదిగో ఆ మూల రంగం పెట్టె మటుకు నాది
కదపకు ..విప్పకు ...ఎప్పుడూ
నేనే ఎప్పుడో చూపిస్తాలే ..
మరో తరానికి చూపిస్తాలే ..
నా ఆశల సీతకోక చిలుకలు రంగులు వెలిసి
కన్నీటీ చుక్కలు ఎండి బుగ్గల పై ,చారికలు కట్టి
ప్రవహించని నది గడ్డ కట్టినట్టు , ఆ మూల ఎక్కడో
ఒంపేసి ఉంటాయి , జాగ్రత్త సుమీ ..
అక్కడక్కడ బోసి నవ్వులు ,కొంగు న వేలాడేసుకున్నవి
ముడి వేసాలే జాగ్రత్తగా .. అదిగో ఆ పచ్చ చీరకే ,ఆ కొంగే
నే తిన్న జీడి పాకం ,ఇంకా జిగురు గా అంటుకుంటూ ,
బాల్యం ని ఎప్పటికీ పారేసుకోను అని తెలియదా ?
నవ్వులు గోడల పై అతికించాను అరే ఇక్కడ
కొన్ని చేరాయే , ఈ భోషాణం లో ,ఎప్పుడు ఎగిరిపోయాయొ ,
వేళ్ళ సందు నుంచి జారి మరి ..
యవ్వనం ఎగరేసిన ఝండా రెప రెప లాడుతూ ఉండేది
ఇక్కడ ఒద్దికగా చుట్టుకుని ,చమ్మగా , చుట్లు చుట్లు గా
దాక్కుంది , భోషాణం గట్టి గా బంధించింది కదా ,
మరే ఒకటా రెండా ,ఎన్ని జీవిత క్షణాలని ,
జీవించక ముందు తర్వాత ,ఒక స్పెసిమెన్‌ లా తీసి దాచింది .
దీనినే టైం కాప్సూల్ అని అంటారుట ..
పాతి పెట్టండి , సీలు వేసి ,
ఎప్పటికీ , నీకూ నాకూ
ఒకటి మటుకు కాదు ..భోషాణం ..తీపి గుర్తులు దాచే భోషాణం ..

6 జులై, 2014

నది ప్రవాహిస్తూ ఉంది

 నది ప్రవాహిస్తూ ఉంది 
వేయి పడగల ఫణి రాజు 
మెలికలు  తిరుగుతూ 
కుత్సిత ఉత్తేజిత  ఊగిసలాట తో 
అసాధరణ  నాట్య కళాకారిణి  
ఆఖరి మిరుమిట్ల ప్రదర్శన వలే 
నదీ ప్రవాహం 
శోభా మయమైన ఉత్సుకత తో 
నది ప్రవహిస్తూ 
ప్రవహిస్తూ కదులతుంది 
నది ప్రవహిస్తూ 
కదులుతూ కూడా .. 

అద్భుతాన్ని తేరిపార చూస్తూ ఉంటాను 
చీల్చుకుని  వెళ్ళే నది
కొండ పై గుహల మూలలు నుండి 
ఉన్నతాల పై మండే జ్వాల లా
స్థల ధ్వంస రచన చేస్తూ
పోటెత్తిన గిత్త లా
విరోధి ని మట్టు పెడుతూ 
ఆకలి గొన్న సింహం 
ఎర పై విసిరిన పంజా లా
ప్రవహిస్తున్న  నది 
కొండ వాలు ల పై నించి జారుతూ 
బండ రాళ్ళ పై తొక్కుతూ 
ఒడ్డు గండ్లు పై నించి దొర్లి పోతూ 
నిపుణుడైన న గారడి వాడి తాడు  పై  నడక లా 
నది ప్రవహిస్తూ ఉంది  

అక్కడ
ఒక్క క్షణమాగి 
ఎగ శ్వాస కై తడుముకుంటూ
లేక                     
సరి చూసుకుంటూ 
ఉపేక్ష తో కూడిన స్పర్శా 
అశాశ్వత మైన జీవితాలు                                                        
చేతనా  వస్తువుల కోల్పోయిన ఆత్మలు 

వారి ఆశ లు 
భయాలు ,వారింపులు 
కోపాలు ,లోభిత్వాలు            
చిన్న చిన్న అసూయలు 
వెర్రి వేలాడ్డాలు
అల్పమైన విషయాలకి
ఇంకా
వేల నీడ ల
ఖాళీ కోరికల తో 
ప్రవహించే నది 
ప్రవహించే నది 
నా మది ని దోచేస్తూ
తన దాష్టిక చేష్ట ల తో
అందె వేసిన నాట్య గత్తె
తన గమనాన్ని తానూ పాటిస్తూ
లేలేత ఆత్మల ని మోసుకుంటూ
తన చేతుల మధ్య
తెలియని తీరాలకి 
ఆమె ప్రవహిస్తూ 
నేను ఆశ్చర్య పడుతూ 
ఆమె ఎరుగునా ఆ వస్తువులు
ఆమె హత్తుకున్న
తన తీయని ఎడద లో
వస్తువు లు
ఆమె పోగు చేస్తున్న  
కాలం ,కెరటా  ల లో
ఇంకా
వదిలి వేస్తూ
ఆమె కదులుతూ
ఆమె స్పర్శి స్తుందా 
లెక్క లేని పిచ్చి వస్తువులు 
తన లో బలవంతం గా దాచుకుంటూ                                               
కాగితపు పడవలు 
విరిగి పోయిన హృదయాలు
పూల గుత్తులు 
పవిత్రమైన మునకలు 
నది ఒడ్డున గవ్వలు 
మానవ వృధాలు
లాలా జాలాలు 
చచ్చి పడిన శరీరాలు
నాచు
మోటార్ బోట్లు 
ఆమె పేగులు మెలిపెడుతూ
మొసళ్ళు మెండు గా పీక్కుంటూ
సగం శిధిల మైన శరీరాలు                                                                            
చిన్న చేపలు 
తమ మనుగడ కోసం జగడిస్తూ
నది ప్రవహిస్తూ 
నది ప్రవహిస్తూ                                                
రాజసం ఒలికించే తిరస్కారంతో కదులుతూ
అల్పమైన కట్టడాలు  
మానవుడు నిర్మించినవి                                                          
స్టీల్ తో గుచ్చుతూ
 కాంక్రీట్ పోస్తూ
 పవిత్ర జలాలని భ్రష్టు పరుస్తూ
తన ఆఖరి ప్రయత్నం అరికట్టాడానికి
తన అజేయమైన జలాలు తో
నది ప్రవహిస్తూ
తన గమనాన్ని తానే అనుసరిస్తూ 
వారి పొగరు చూసి క్రోధు రాలై
ఆ నది
పిగిలి పోతుంది 
బహు సుందరం గా వెళ్ల కక్కుతుంది 
ఆగ్రహాన్నిపగల గొడుతూ 
ఆనకట్టలు ,వారధులు 
ఇంకా వారి నివాసాలు
ఒక్క శుభ్ర మైన ఊడ్పు లో
ఎలా అంటే 
నేల ని తయారు చేస్తున్నట్టు
కొత్త లోక పునర్ నిర్మాణం కోసం 
రెచ్చగొడుతున్నట్టు
వారి లోపాలని
నిరూపిస్తున్నట్టు
తన సొంత బలాన్న
అందాన్ని 
ఇంకా నిబద్ధతని
ఎలా అంటే
తీక్ష్ణ మైన బ్రహ్మాండ నర్తింపు లా
ఆ నటరాజు ది 
నేను ఆ ఒడ్డున కూర్చుంటాను 
విస్మయ పడుతూ
ఆమె కి ఎరుకేనా ఈ బంధం
అంతు బట్టని అగాదం అనిపించే  ప్రవాహం లో
ఇంకా ఒడ్డున ఉన్న ఆ జటిలమైన జీవితాలు  ?
మానవ సమూహాలు
సంపూర్ణం
తల్లులూ కూతుళ్ళూ
తండ్రులూ కొడుకులూ
కలుషిత మై
రాజకీయాలు  అధికారం
ఇంకా ధనమూ
విద్యుత్ కాంతులు
పరివేష్టించి న 
నీచ జీవితాలు
మరియు
ఎక్కడ
విద్వత్తు నశించిందో
మానవ యోగ్యత 
ఇంకా ఒక వ్యాపార సరుకు గా మారిందో
తగ్గింపు ధర ల లో 
అమ్ముకుంటారొ 
ఆమె మృదువుగా 
ప్రవహిస్తుంది
రాజస మైన సరళి లో
వైఫల్యాలు  తనని తాకక 
మానవ జాతివి 
నేను ఇంకా అక్కడ కూర్చుంటాను
వింటూ ఉంటాను
సవ్వడి  లాంటి
లక్షల చిన్ని తరంగాలు
ఒడ్డున రాళ్ళ ల ని బలం గా తాకుతూ 
శ్రావ్యమైన ధ్వనులని
నేను  సంభ్రమ పడుతూ 
ఆమె ఎవరో
ఎరగని అణకువ గల
విడి వడి , నిష్పక్షపాతమై
అనుసరించాలి అనే కోరిక తో
తన దారిన తను 
నది మైదానం లోకి ప్రవేశించింది 
మహనీయమైన గమనం  తో
వేద మంత్రాల ని పారాయణం చేస్తూ
కుంగిన ఆశలని ఉత్సాహ పరుస్తూ
నిస్తేజితులైన జీవాలని పరిరంభణం చేస్తూ
విశ్వ సమన్వయం కి తెర లేపుతూ 
అలా ప్రవహిస్తూ ఆమె 
రక రకాల ఆత్మ ల ని స్పర్శిస్తూ
వేల ఎడద ల ని వెలిగిస్తూ
హరివిల్లు రంగులు వెద జల్లతూ
ఆమె ఔదార్య హృది ని  హత్తుకుంటూ 
దట్టమైన మబ్బుల వేపు
నది ప్రవహిస్తూ ఉంటుంది
హుందాగా
తన ప్రకాశం లో తానే చలి కాచుకుంటూ
లయ బద్ధమైన 
స్వర గుసగుసలు తో 
నది ప్రవహిస్తూ                                                                 
 ఆ నది
 వయోరహిత నాట్య కారిణి లా 
నర్తిస్తూ 
 శతాబ్దాల జ్ఞానాన్ని పంచుతూ
 దేవ సైనుకుడి తేజస్సు తో
సామ్రాజ్ఞి చుట్టు ఉండే దివ్య తేజస్సు తో
 నది ప్రవహిస్తూ 
ఆ నది
మరియు ఆ జీవం
మెలివేసుకుని 
చిక్క నైన  బంధం లో
ఒక్కొక్కటి
స్వాభావిక భాగమై
మరొక దాని లో .
నది ప్రవహిస్తూ ఉంటుంది
ఇంకా
ఆ నది ప్రవహిస్తూ ఉంటే
జీవితమూ కొనసాగుతూ ఉంటుంది .. 

(Nidadavolu Malathi, 3/3/98)

అనువాదం వసంత లక్ష్మి .

జున్‌ నెల విహంగ లో ప్రచురింప బడింది